Zamonaviy hayot maromi ko‘pincha murakkab va uzoq davom etadigan pazandalik jarayonlari uchun kam vaqt qoldiradi. Mikroto‘lqinli pech mazali taomlarni tez va oson tayyorlashga imkon beruvchi ajoyib yordamchiga aylanadi. U taomlarni isitish, shuningdek, nonushta, tushlik, kechki ovqat va hatto desertlarni pishirish uchun mos keladi. LG Infrared HeatingTM texnologiyasi bilan jihozlangan LG MH6565DIS mikroto‘lqinli pechi bu vazifalarni samarali bajaradi, u bir tekisda qizdirishni ta’minlaydi va mahsulotlarning foydali xususiyatlarini saqlab qolishga yordam beradi.

Ushbu maqolada biz bir necha daqiqa ichida mikroto‘lqinli pechda tayyorlanishi mumkin bo‘lgan 10 ta oddiy retseptni taqdim etamiz.

1. Krujkadagi omlet

Masalliqlar::

• 2 ta tuxum
• 2 osh qoshiq sut
• Bir chimdim tuz va murch
• 1 osh qoshiq mayda to‘g‘ralgan sabzavotlar (xohishga ko‘ra)
• Biroz maydalangan pishloq (xohishga ko‘ra)

Tayyorlash bosqichlari:

1. Tuxumni chaqing va krujkaga solib, sut, tuz, murch qo‘shib, yaxshilab aralashtiring.
2. Kesib maydalangan sabzavot va pishloqni solib, yana aralashtiring.
3. Mikroto‘lqinli pechga krujkani o‘rtacha quvvatda 2 daqiqaga qo‘ying. Omeletning tayyorligini tekshiring, kerak bo‘lsa, pishirish jarayonini yana 30 soniya davom ettiring.

Tayyorlashga ketadigan vaqt: 5 daqiqa.

Tavsiya: Omlet "toshib ketmasligi" uchun baland krujkadan foydalaning. Mikroto‘lqinli pechda tayyorlangan omlet sizni ko‘p idish yuvish zaruratidan xalos qiladi - butun tayyorlash jarayoni bitta krujkada amalga oshiriladi.

2. Krujkada pishirilgan pishloqli sho‘rva

Masalliqlar:

• 150 ml tovuq bulyoni (kub va suvdan foydalanish mumkin).
• 2 osh qoshiq qirg‘ichdan chiqarilgan pishloq (chedder yoki parmezan).
• 1 osh qoshiq makkajo‘xori uni yoki kraxmal.
• Ta’bga ko‘ra tuz, murch, ko‘katlar.

Tayyorlash bosqichlari:

1. Buylon, pishloq va unni krujkaga solib aralashtiring.
2. Bir xil bo‘lguncha aralashtiring.
3. Mikroto‘lqinli pechga 2-3 daqiqaga qo‘yib, har 30 soniyada aralashtirib turing.
4. Tortishdan oldin ko‘kat seping.

Tayyorlashga ketadigan vaqt: 5 daqiqa
Tavsiya: tekstura uchun qoq non qo‘shing.

3. Mikroto‘lqinli pechda pishirilgan kartoshka

Masalliqlar:

• 1 dona yirik kartoshka
• Ta’bga ko‘ra tuz, murch, ziravorlar
• Ozroq sariyog‘ yoki zaytun moyi

Tayyorlash bosqichlari:

1. Kartoshkani yaxshilab yuvib, sanchqi bilan bir necha joyidan teshing.
2. Kartoshkani suvga ho‘llangan qog‘oz sochiq bilan o‘rab oling.
3. Maksimal quvvatda 7 daqiqa pishiring. Tayyorligini pichoq bilan tekshiring, kerak bo‘lsa, yana 1-2 daqiqa qo‘shing.
4. Tayyor bo‘lgach, kartoshkani ikkiga bo‘lib, sariyog‘, tuz va ziravorlar qo‘shiladi.

Tayyorlashga ketadigan vaqt: 7 daqiqa
Tavsiya: Ta’mni yaxshilash uchun yangi ko‘katlar yoki maydalangan pishloq qo‘shishga urinib ko‘ring.

4. Avokado bilan pishirilgan tuxum

Masalliqlar:

• 2 ta tuxum
• 2 ta avokado.
• Ta’bga ko‘ra tuz, murch, ziravorlar.

Tayyorlash bosqichlari:

1. Avokadoni ikkiga bo‘lib, danagi va ozgina etidan ajratib oling.
2. Avokadoning har yarmiga ehtiyotkorlik bilan tuxum chaqing.
3. Likopchaga solib, mikroto‘lqinli pechda o‘rtacha quvvatda 3-4 daqiqa pishirib oling.
4. Ta’bingizga qarab ziravor qo’shing.

Tayyorlash uchun ketadigan vaqt: 7 daqiqa
Tavsiya: xilma-xillik uchun pishloq qo‘shing.

5. Makkajo‘xori so‘tasi

Masalliqlar

• 1 bosh makkajo‘xori so’tasi
• Bir chimdim tuz

Tayyorlash bosqichlari:

1. Makkajo‘xori so‘tasini barglari bilan mikroto‘lqinli pechga joylashtiring. Maksimal quvvatda 6 daqiqa pishiring.
2. So‘tani barglardan tozalang va makkajo‘xoriga tuz seping.

Tayyorlash uchun ketadigan vaqt: 6 daqiqa
Tavsiya: Mazasini saqlab qolish uchun makkajo‘xorini so‘tani ajratmay tayyorlang. Ta’mini kuchaytirish uchun makkajo‘xoriga sariyog‘ surting.

6. Shokoladli maffin krujkada

Masalliqlar

• 3 osh qoshiq un
• 2 osh qoshiq shakar
• 1 osh qoshiq kakao
• 1 ta tuxum
• 2 osh qoshiq sut
• 1 osh qoshiq o‘simlik yog‘i

Tayyorlash bosqichlari:

1. Barcha masalliqlarni krujkaga solib aralashtiring.
2. Maksimal quvvatda 1,5-2 daqiqa davomida pishiring.

Tayyorlashga ketadigan vaqt: 5 daqiqa
Tavsiya: Bir bo‘lak muzqaymoq bilan dasturxonga torting. Bunday desertni kechki ovqatdan keyin shirinlik bilan tamaddi qilish uchun mikroto‘lqinli pechda tayyorlash juda oson.

7. Sabzavotli ragu

Masalliqlar

• 1 dona kichikroq sabzi.
• 1 ta kartoshka.
• 1/2 ta sukini.
• 2 osh qoshiq pomidor pastasi.
• 1 osh qoshiq zaytun moyi.
• Tuz, murch, quritilgan o‘tlar.

Tayyorlash bosqichlari:

1. Sabzavotlarni mayda kubik shaklida to‘g‘rang.
2. Chuqur idishga solib, ustiga pomidor pastasi, sariyog‘ va ziravorlar qo‘shing.
3. Bug‘ chiqishi uchun teshik qoldirib, qopqoq yoki plyonka bilan yoping.
4. Mikroto‘lqinli pechda o‘rtacha quvvatda 7-10 daqiqa davomida bir marta aralashtirib pishiring.

Tayyorlash uchun ketadigan vaqt: 10 daqiqa
Tavsiya: to‘yimli qilish uchun uchun konservalangan no‘xat qo‘shing.

8. Suli pag’alaridan pishirilgan bo‘tqa

Masalliqlar

• 1/2 stakan suli pag‘alari
• 1 stakan sut yoki suv
• Qand, asal, ta’bga ko‘ra mevalar

Tayyorlash bosqichlari:

1. Chuqur idishda suli pag’alarini suv yoki sut bilan aralashtiring.
2. Maksimal quvvatda 2 daqiqa pishiring, aralashtiring va yana bir daqiqa pishiring.

Tayyorlash uchun ketadigan vaqt: 3 daqiqa
Tavsiya: Xusgbo’y hid uchun doljin yoki yong'oq qo'shing. Bo’tqa - bu juda tez va oson tayyorlanishi mumkin bo'lgan sog'lom taom bo'lib, ertalab ovqat pishirishga sarflangan vaqt haqida o’ylab o’tirishdan halos qiladi.

9. Sutli guruch pudingi

Masalliqlar

• 50 g qaynatilgan guruch.
• 150 ml sut.
• 1 ch.l. shakar yoki asal.
• Bir chimdim dolchin yoki vanil.

Tayyorlash bosqichlari:

1. Idishda guruch, sut, shakar va ziravorlarni aralashtiring.
2. Mikroto‘lqinli pechda har 30 soniyada aralashtirib, 3-4 daqiqa pishiring.
3. Yong‘oq yoki mayiz sepib, iliq holda dasturxonga torting.

Tayyorlash uchun ketadigan vaqt: 5 daqiqa
Tavsiya: yangi ta’m yaratish uchun kokos sutidan foydalaning.

10. Tvorogli toblatma

Masalliqlar

• 100 g tvorog
• 1 ta tuxum
• 1 osh qoshiq manna
• 1 osh qoshiq shakar

Tayyorlash bosqichlari:

1. Barcha masalliqlarni bir xil massasini hosil qilguncha aralashtiring.
2. Mikroto‘lqinli pechga mos qolipga soling.
3. O‘rtacha quvvatda 5-6 daqiqa pishiring.

Tayyorlash uchun ketadigan vaqt: 6 daqiqa.
Tavsiya: Ta’mi xilma-xil bo‘lishi uchun mayiz yoki rezavorlar qo‘shing.

Mikroto‘lqinli pechda mazali taomlar tayyorlash - bu oson va qulay! Tajriba o‘tkazishdan qo‘rqmang, sevimli masalliqlarni qo‘shing va tez tayor bo’ladigan va sog‘lom taomlardan bahramand bo‘ling.