Maxfiylik siyosati

MAXFIYLIK SIYOSATINING ASOSIY JIHATLARI

LG Electronics Inc. (“LGE”) o‘zining sho‘ba korxonalari va filiallari (“LG Group”, “biz”, “bizning” or “bizni”) bilan birgalikda sizning maxfiyligingizni hurmat qiladi. Ushbu Maxfiylik Siyosati biz lg.com veb-sayti (“Veb-sayt”), LG Group tomonidan taqdim etilgan boshqa veb-saytlar, LG hisob qaydnomalari, ThinQ ilovamiz orqali taqdim etiladigan SmartHome xizmatlarimiz (birgalikda “Xizmatlar”) orqali ishlov beradigan shaxsiy ma’lumotlarga nisbatan qo‘llaniladi. U, shuningdek, mahalliy LG Group aʼzosiga taqdim etgan boshqa shaxsiy maʼlumotlaringizga ham qoʻllaniladi.

LG Smart TV yoki Smart Media mahsuloti foydalanuvchilari uchun LGE oʻzining Smart TV/Media mahsuloti xizmatini taqdim etish jarayonida shaxsiy maʼlumotlarga qanday ishlov berishi haqida batafsil maʼlumot olish uchun alohida Smart Media mahsuloti aʼzoligiga oid Maxfiylik Siyosatiga qarang. Ushbu Maxfiylik Siyosati Smart Media mahsuloti aʼzoligiga oid Maxfiylik Siyosati orqali qamrab olinadigan ishlov berishga nisbatan qoʻllanilmaydi, ammo LG Group Smart TV / Media mahsuloti orqali toʻplangan shaxsiy maʼlumotlardan ushbu Maxfiylik Siyosatida taʼriflanganidek foydalanishi mumkin, LGE esa xizmatlar orqali toʻplangan shaxsiy maʼlumotlardan Smart Media mahsuloti aʼzoligiga oid Maxfiylik Siyosatida taʼriflanganidek foydalanishi mumkin. Qoʻshimcha maʼlumot olish uchun Hisob qaydnomasi boshqaruvi menyusidagi Smart Media mahsuloti aʼzoligiga oid Maxfiylik Siyosatiga yoki Smart TV/Media mahsuloti sozlamalaridagi LG hisob qaydnomasi menyusiga qarang.

MAXFIYLIK SIYOSATI SHARHI

Ushbu Maxfiylik Siyosatida biz Xizmatlarimiz orqali toʻplaydigan shaxsiy maʼlumotlar turlari, bu maʼlumotlardan qanday foydalanishimiz, ularni qancha vaqt davomida saqlashimiz va kimlar bilan ulashishimizni tasvirlaymiz. Shuningdek, biz siz maʼlumotlaringizdan foydalanish bilan bogʻliq qanday tanlov va huquqlarga ega ekanligingizni, jumladan, biz tomondan amalga oshiriladigan ayrim ishlovlarga eʼtiroz bildirish huquqingizni ham tushuntiramiz (agar amaldagi qonun hujjatlarida nazarda tutilgan boʻlsa). Huquqlaringiz va ularni qanday amalga oshirish haqida batafsil maʼlumot “Sizning huquqlaringiz” boʻlimida berilgan. Ushbu Maxfiylik Siyosati va maxfiylik amaliyotlarimiz haqida savollaringiz boʻlsa, biz bilan bogʻlanishingiz uchun oʻz kontakt maʼlumotlarimizni ham taqdim etamiz.

MAXFIYLIK SIYOSATI

Oxirgi yangilanish: 12 / 12 / 2024

1. Shaxsiy maʼlumotlaringiz uchun kim javobgar?

Mahalliy LG korxonangiz mamlakatingizdagi veb-sayt yoki boshqa LG Group veb-saytlarini boshqarish va veb-sayt orqali siz haqingizda toʻplangan maʼlumotlar uchun javobgar hisoblanadi. Bundan tashqari, mahalliy LG korxonasi unga bevosita taqdim etgan har qanday shaxsiy maʼlumotlaringiz uchun, masalan, mijozlarga xizmat koʻrsatish qoʻngʻiroqlari yoki mahsulotni roʻyxatdan oʻtkazish kartalari uchun ham javobgar hisoblanadi. LGE barcha boshqa Xizmatlardan foydalanish va siz haqingizda ushbu Xizmatlar orqali yoki ular bilan bogʻliq holda toʻplangan maʼlumotlar uchun javobgar hisoblanadi.

Mahalliy LG korxonangiz nomi va LGE kompaniyasining kontakt ma’lumotlarini quyidagi “Bizga murojaat qiling” bo‘limida topishingiz mumkin.

2. Biz toʻplaydigan shaxsiy maʼlumotlar

Xizmatlarimiz bilan bogʻliq holda quyidagi turdagi shaxsiy maʼlumotlar toʻplanadi:

Bevosita bizga yoki uchinchi tomonlarga taqdim etadigan maʼlumotlaringiz

Ayrim Xizmatlar bizga bevosita sizdan yoki siz aloqada boʻlgan boshqa kompaniyalardan maʼlumot toʻplash imkonini beradi. Masalan:

• Xizmatlarimizdan foydalanganingizda (masalan, LG hisobini yaratishda, qurilma yoki mahsulotni ro‘yxatdan o‘tkazishda, xarid qilishda, mahsulotni ko‘rib chiqishda yoki bizga murojaat qilganda), bizga ismingiz, elektron pochta manzilingiz, telefon raqamingiz, tugʻilgan kuningiz, jinsingiz, hisob maʼlumotlaringiz, jumladan, LG hisob profili, foydalanuvchi IDsi, parol, Uy IDsi, soʻzlovchining ovozi va uning tarjima qilingan matni,surati, videosi, toʻlov kartangiz maʼlumotlari, kompaniya soliq kodi, yetkazib berish manzilingiz (jumladan, pochta indeksi), xarid maʼlumotlari va ulangan elektron qurilmalar bilan oʻzaro munosabatlaringiz kabi maʼlumotlarni taqdim qilasiz.

• Uchinchi tomon hisob qaydnomasi yoki profili bilan tizimga kirganingizda, biz ismingiz, elektron pochta manzilingiz va ijtimoiy media teglari kabi maʼlumotlarga kirish huquqiga ega boʻlamiz.

• Mijozlarga xizmat koʻrsatish xodimlarimiz yoki LG Groupʼning boshqa xodimlari bilan muloqot qilganingizda, biz ushbu muloqotlarga va so‘rovlaringizga javob berish va so‘rovlaringizni qondirish uchun zarur bo‘lgan boshqa maʼlumotlarga ishlov beramiz.

Xizmatlarimizdan foydalanishingiz haqidagi maʼlumotlar

Siz taqdim etgan maʼlumotlarga qoʻshimcha ravishda, biz qurilmalaringizdagi dasturiy taʼminot va boshqa elektron vositalar (masalan, kuki fayllar va sensorlardan foydalanish kabi) orqali Xizmatlarimizdan foydalanishingiz haqidagi maʼlumotlarni toʻplaymiz. Biz quyidagi maʼlumotlarni toʻplaymiz:

• Qurilma haqida maʼlumot: Qurilmangiz nomi, IMEI, UUID, operatsion tizim versiyasi, mamlakat, joylashuv, til, IP manzil, mac manzili, ulangan modem maʼlumotlari, internet router maʼlumotlari, mobil reklama identifikatori va qurilmalar sozlamalari.

• Mahsulot haqida maʼlumotlar: model nomi, ishlab chiqaruvchi raqami, xarid sanasi va joyi, xarid cheki surati

• Jurnal maʼlumotlari: URL manzili, qayta yoʻnaltirilgan URL manzili, ishlash vaqti, yoʻnaltiruvchi, tarmoq turi, tarmoq maʼlumotlari, toʻlov holati, reklama blokirovkasi maʼlumotlari, xizmatlar bilan oʻzaro aloqalaringiz, jumladan tashriflar tarixi, siz foydalanadigan ilovalar, xizmatlar va kuki fayllar kabi foydalanish maʼlumotlari. Xizmatlarimiz uchun kuki fayllardan qanday foydalanishimiz haqida batafsil maʼlumot olish uchun oʻzingiz foydalanayotgan xizmatlarga tegishli Kuki fayllar siyosatiga qarang.

• Joylashuv haqida maʼlumot: Roziligingiz asosida yoki siz soʻragan Xizmatni taqdim etish uchun zarur boʻlgan hollarda (masalan, sizga yoʻnalish koʻrsatish uchun sizdan joylashuv maʼlumotlaringizni taqdim etishni soʻrash orqali) biz sizning joylashuvingiz haqidagi maʼlumotlarga ishlov beramiz.

• Xizmatlarimizdan foydalanishingiz haqidagi boshqa maʼlumotlar, jumladan siz tashrif buyurgan veb-saytlar, matn terish (avtotoʻldirish) shakllari, ulangan qurilma xatt-harakati va foydalanish tarixi, ulangan qurilma quvvati va quvvat sarfi haqidagi maʼlumotlar va Xizmatlarimiz orqali taqdim etiladigan kontent bilan qanday munosabatda boʻlishingiz haqida maʼlumotlar.

Biz toʻplaydigan boshqa maʼlumotlar
Sizning roziligingiz kerak boʻlganda, biz sizdan roziligingizni olish vaqtida qanday maʼlumotlarni toʻplashimiz va undan qanday foydalanishimizni tushuntiramiz.

Baʼzida biz siz haqingizda uchinchi tomonlardan, jumladan Facebook, Google, Amazon yoki Line kabi boshqa kompaniyalardan maʼlumot olamiz. Misalan, agar ijtimoiy tarmoqdagi hisob qaydnomangiz orqali xizmatlarimizga ulanishni tanlasangiz, biz uchinchi tomon ijtimoiy tarmoq provayderlaridan maʼlumotlaringizni olishimiz mumkin.

Biz firibgarlikdan himoyalanish uchun siz uchinchi shaxslarga, masalan, shaxsni tasdiqlovchi provayderlarga taqdim etgan maʼlumotlaringizni tekshiramiz.

Biz, shuningdek, LGE Smart TV / Media mahsuloti xizmati orqali dastlab toʻplangan shaxsiy maʼlumotlardan ushbu Maxfiylik Siyosatida taʼriflangan maqsadlarda foydalanamiz. Qoʻshimcha tafsilotlar olish uchun LGE kompaniyasining alohida Smart Media mahsuloti a’zoligiga oid Maxfiylik Siyosatiga qarang.

Bundan tashqari, qiziqishlaringizni yaxshiroq tushunish va sizga yanada moslashtirilgan Xizmatlar va reklamalarni taqdim etish uchun boshqa uchinchi tomonlardan, masalan, marketing kompaniyalari va axborot brokerlaridan maʼlumotlar toʻplaymiz. Masalan, qiziqishlaringizni yaxshiroq tushunish uchun muayyan demografik guruhlarning hayot tarzi yoki xarid shakllari haqida jamlangan maʼlumotlarni olamiz.

Shuningdek, biz qonun talab qilgan hollarda (masalan, qonunga koʻra bizga internet qidiruv jurnallarini toʻplash majburiyati yuklanganda) yoki sizning roziligingiz bilan siz, qurilmalaringiz yoki Xizmatlarimizdan foydalanishingiz haqidagi boshqa maʼlumotlarni toʻplashimiz mumkin.

Boshqa veb-saytlar, qurilmalar, ilovalar va xususiyatlarga havolalar

Xizmatlarimiz sizga bizdan mustaqil ravishda ishlaydigan va oʻzlarining maxfiylik eslatmalari yoki siyosatlariga ega boʻlgan boshqa veb-saytlar, qurilmalar, ilovalar va boshqa xususiyatlarga ulanish imkonini berishi mumkin, bunda ularni koʻrib chiqishingizni qatʼiy tavsiya qilamiz. Har qanday ulangan veb-sayt, qurilma, ilova yoki boshqa xususiyat bizga tegishli boʻlmasa yoki biz tomondan nazorat qilinmasa, biz uning mazmuni, foydalanish yoki maxfiylik amaliyoti uchun javobgar hisoblanmaymiz.

3. Bu maʼlumotlardan qanday foydalanamiz

Agar siz bizning birdan ortiq xizmatlarimizdan, jumladan Smart TV / Media mahsuloti xizmatidan foydalansangiz, biz bu xizmatlarning har biri bilan bogʻliq holda sizdan toʻplangan shaxsiy maʼlumotlarni birlashtiramiz va ulardan quyida koʻrsatilgan maqsadlarda yoki siz foydalanadigan xizmatlarga nisbatan qoʻllaniladigan maxfiylik siyosatida taʼriflanganidek foydalanamiz. Masalan, bu turli xizmatlar uchun turli kirish maʼlumotlaridan foydalanishning oldini oladi.

Biz bilan shartnomaviy munosabatlaringiz asosida xizmatlar koʻrsatish

Biz shaxsiy maʼlumotlaringizga siz bilan tuzilgan shartnomamizga asosan zarur boʻlganda, jumladan quyidagi maqsadlarga ishlov beramiz:

• Sizga xizmatlarimiz va xizmatlarimiz kontentini shaxsiylashtirishni talab qilishi mumkin boʻlgan xizmatlarimizdan foydalanishda siz tanlagan oʻziga xos xususiyatlarni taqdim etish.

• Buyurtmalar va toʻlovlarga ishlov berish va sizga xizmatlarimiz orqali sotib olgan mahsulotlarimiz yoki uchinchi tomon mahsulotlarini yetkazib berish hamda shartnomangiz boʻyicha oʻz kafolat huquqlaringiz yoki boshqa huquqlaringizni amalga oshirishga imkon berish.

• Muayyan xizmatlarimizdan foydalanishingiz uchun shaxsingizni aniqlash va tasdiqlash.

Oʻrnatish va roʻyxatdan oʻtishni osonlashtirish, texnik muammolarni hal qilish, sizga mijozlarni qoʻllab-quvvatlash yordamini koʻrsatish va xizmatlarga oid kerakli maʼlumotlarni yuborish.

LG Group va/yoki uchinchi tomonlarning qonuniy manfaatlari

Biz shaxsiy maʼlumotlarni qonuniy manfaatlarimizni (yoki uchinchi shaxslarning) amalga oshirish uchun zarur boʻlgan darajada qayta ishlaymiz, manfaatlarimiz quyidagilarni oʻz ichiga oladi:

• Mijozlarimiz bilan munosabatlarimizni, shu jumladan siz bilan muloqot qilish va soʻrovlaringizga javob berish orqali samarali boshqarish;

• Bevosita marketing faoliyatini amalga oshirish (qonunga sizning roziligingizni olishimiz shart boʻlmaganda), shu jumladan elektron pochta, telefon qoʻngʻiroqlari, pochta, matnli xabarlar, ijtimoiy media kanallari yoki mobil ilovalarimizda push-bildirishnomalar yordamida sizga marketing xabarlarini yuborish orqali, sizga xizmatlarimizda ham, uchinchi tomon veb-saytlarida ham onlayn reklamalarni taqdim etish, marketing profillarini yaratish va biz va boshqalar tomonidan sizga taqdim etiladigan tavsiyalar va marketing kontentini moslashtirish, shuningdek aksiyalar, tanlovlar va sovrinli o‘yinlar o‘tkazish.

• Firibgarlik va boshqa noqonuniy harakatlar yoki Foydalanish Shartlarimiz bilan taqiqlangan harakatlardan biznes operatsiyalarimizni himoya qilish, aniqlash va oldini olish.

• Autentifikatsiya mexanizmlari va boshqa xavfsizlik choralarini qoʻllash, xavfsizlik tahdidlariga qarshi tizimlarimizni monitoring qilish, zaxira nusxalarini saqlash, maʼlumotlarni anonimlashtirish va tizimga texnik xizmat koʻrsatish xizmatlarini amalga oshirish orqali xizmatlarimiz va axborot tizimlarimiz xavfsizligini, mavjudligini va yaxlitligini himoya qilish.

• Qonuniy huquqlarimiz va oxirgi foydalanuvchilarning xavfsizligini himoya qilish, jumladan shikoyatlarni koʻrib chiqish, yuridik maslahat olish va bizga yoki guruhimizdagi boshqa kompaniyalarga va Xizmatlarimizga nisbatan huquqiy daʼvolarni belgilash, amalga oshirish yoki himoya qilish;

• Avtomatik toʻldirish funksiyasi, eng koʻp tashrif buyurgan veb-sahifalaringiz asosida tezkor qidiruv funksiyasi va qiziqishlaringizga moslashtirilgan qoʻshimcha kontent kabi moslashtirilgan funksiyalarni taqdim etish orqali foydalanuvchi tajribangizni yaxshilash;

• Fikr-mulohazalaringizni bilish va soʻrovnomalar va bozor tadqiqotlarini oʻtkazish, xizmatlarimizdan foydalanish boʻyicha maʼlumotlar tahlilini bajarish, mijozlar xatti-harakatlarini tahlil qilish, mintaqaviy va global foydalanuvchi tendensiyalarini aniqlash va mijozlarga taklifimizni global miqyosda optimallashtirish uchun mijozlarning foydalanish shakllari va profillarini yaratish orqali xizmatlarimizni va mijozlarga xizmat koʻrsatish tizimimizni yaxshilash;

• Hisobotlar yaratish va xizmatlarimiz samaradorligini tahlil qilish (jamlangan maʼlumotlardan foydalanish orqali), biznes jarayonlarini tekshirish, asosli biznes qarorlari qabul qilish uchun statistik maʼlumotlardan foydalanish orqali biznesimizni samarali boshqarish.

Biz qonuniy manfaatlarimizga tayangan holda, ishlov berishning jismoniy shaxslarga taʼsiri qanday boʻlishini hisobga olish va ishlov berish jarayonida shaxslarning manfaatlari bizning manfaatlarimizdan ustunligini aniqlash uchun muvozanatga keltirish sinovini oʻtkazdik. Ushbu Maxfiylik Siyosatining oxiridagi berilgan kontakt maʼlumotlaridan foydalanib, ushbu muvozanatga keltirish sinovi haqida qoʻshimcha maʼlumot olishingiz mumkin.

Sizning roziligingiz

Biz buni muvofiq deb hisoblaganimizda yoki qonun tomonidan talab qilinganda shaxsiy ma’lumotlaringizga ishlov berish uchun roziligingizni soʻraymiz. Biz quyidagi maqsadlarda roziligingizdan foydalanamiz:

• Kuki fayllar siyosati va ushbu texnologiyalardan foydalanilganda sizga taqdim etilgan maʼlumotlarga muvofiq kuki fayllarni joylashtirish va shunga oʻxshash texnologiyalardan foydalanish. Qoʻshimcha maʼlumot olish uchun siz foydalanayotgan xizmatga tegishli Kuki fayllar siyosatiga qarang.

• Sizga marketing xabarlarini yuborish (bu qonun tomonidan talab qilinganda yoki biz rozilikka asoslanishni tanlaganimizda).

• Sizga ushbu Maxfiylik siyosati va Cookie fayllar siyosatiga muvofiq maqsadlarda boshqa vositalar orqali bizga taqdim etayotgan turli maʼlumotlar bilan birgalikda xizmatlardan foydalanishingiz bilan bogʻliq maʼlumotlarni tahlil qilish orqali biz yoki boshqalar sizga yoqadi deb oʻylagan tavsiyalar va kontentning moslashtirilgan reklamalarini, mahsulot va xizmatlarni taqdim etish. Bu turli kanallar orqali, jumladan, elektron pochta, LG hisobi orqali, veb-saytlarimiz yoki uchinchi tomon platformalarida (jumladan, ijtimoiy tarmoqlarda) marketing xabarlarini yetkazib berishni oʻz ichiga olishi mumkin.

Sizdan rozilik soʻraladigan boshqa holatlarda biz maʼlumotlardan oʻsha paytda sizga tushuntirilgan maqsadlarda foydalanamiz.

Biz sizning roziligingizga asoslanganimizda, siz istalgan vaqtda roziligingizni qaytarib olish huquqiga egasiz. Bu roziligingizni qaytarib olishdan oldin biz tomondan amalga oshirilgan birorta ishlov berish jarayonining qonuniyligiga taʼsir qilmaydi. Bu huquqdan foydalanish uchun quyidagi “Sizning huquqlaringiz” boʻlimiga qarang.

Qonuniy majburiyatlar

Biz shaxsiy maʼlumotga quyidagilar uchun zarur boʻlgan darajada ishlov beramiz:

• Amaldagi qonunlar (masalan, soliq va buxgalteriya majburiyatlari, mahsulot xavfsizligi, kafolatlar va isteʼmolchilar huquqlarini himoya qilish bilan bogʻliq majburiyatlar) boʻyicha qonuniy talablarimizga rioya qilish.

• Sud qarorlari va sudga chaqiruv varaqalarini bajarish hamda hukumat, huquqni muhofaza qiluvchi organlar, davlat hokimiyati va/yoki nazorat qiluvchi organlarning qonuniy kuchga kirgan so‘rovlariga javob qaytarish.

Agar siz bilan tuzilgan shartnomamizni bajarish yoki qonuniy majburiyatlarimizga amal qilish uchun maʼlumotlaringiz kerak boʻlsa, sizdan bu maʼlumotlarni bizga taqdim etishingiz talab qilinadi. Boshqa hollarda, shaxsiy maʼlumotlarni taqdim etishingiz shart boʻlmaydi, ammo bunday qilmaslik Xizmatlarimizdan foydalanish usulingizga taʼsir qilishi mumkin.

4. Maʼlumotlarni ulashish

Biz siz haqingizdagi shaxsiy maʼlumotlarni quyida belgilanganidek uchinchi shaxslarga oʻtkazamiz, oshkor qilamiz yoki boshqacha tarzda taqdim etamiz:

• LG Group va xodimlar: Biz shaxsiy maʼlumotlarni bu bizning xizmatlarimizni taqdim etish va yuqoridagi 3-boʻlimda koʻrsatilgan yoki boshqa xizmatlarimiz bilan bogʻliq maxfiylik siyosatida tavsiflangan maqsadlarni bajarish uchun zarur yoki asosli boʻlgan darajada LG Group aʼzolari va xodimlarimiz, shu jumladan pudratchilar va agentlar hamda guruhimizdagi boshqa kompaniyalar bilan ulashamiz. Masalan, biz shaxsiy maʼlumotlaringizni mahsulot ishlab chiqish va takomillashtirish maqsadida LGE bilan, marketing maqsadlarida esa mahalliy LG Group aʼzosi bilan ulashamiz.

• Xizmat provayderlari. Biz maʼlumotlaringizni bizga xizmat koʻrsatadigan sinchkovlik bilan tanlangan kompaniyalar va shaxslarga oʻtkazamiz yoki oshkor qilamiz; masalan, bizga Xizmatlarimiz uchun tizimlar ishlab chiqish va boshqarishda yordam beradigan kompaniyalar, IT xizmatlari provayderlari, xavfsizlik, xosting, veb-saytlarga texnik xizmat koʻrsatish, maʼlumotlarni saqlash va tahlil qilish, mijozlarga xizmat koʻrsatish va aloqa, buyurtmalarga ishlov berish va bajarish, pochta joʻnatmalari, hisob-kitoblar, marketing va bozor tadqiqotlarini oʻtkazish xizmatlari, vakolatli xizmat koʻrsatish va taʼmirlash markazlari, boshqa maʼmuriy xizmatlar va bizning nomimizdan tanlovlar, lotereyalar va boshqa aksiyalarni oʻtkazuvchi kompaniyalar. Ushbu tashkilotlarga shaxsiy maʼlumotlaringizga kirish va ulardan foydalanish huquqi faqat ular tomonidan bizga oʻz xizmatlarini taqdim etishlari uchun zarur boʻlgan darajada mavjud boʻlib, ularga boshqa narsalar qatori maʼlumotlaringizdan boshqa maqsadlarda foydalanishga yoʻl qoʻymaslik maqsadida shartnomaviy majburiyatlar yuklanadi. Ayrim xizmat koʻrsatuvchi provayderlarimiz Koreya Respublikasida yoki Yevropadan tashqaridagi boshqa mamlakatlarda joylashgan.

• Uchinchi tomon IoT provayderlari: siz uchinchi tomon ulanish xususiyatlarini faollashtirganingizda, masalan, maishiy IoT qurilmalarini Xizmatlarimizga ulaganingizda, Xizmatlarimizdagi tegishli funksiyalardan foydalanishingiz uchun shaxsiy maʼlumotlaringizni ushbu IoT qurilmalari provayderlari bilan ulashamiz.

• Vakolatli sotuvchilar. Ayrim mamlakatlarda veb-saytimizdagi mahsulotlar vakolatli sotuvchilarimiz tomonidan sotiladi. Ushbu mamlakatlardagi veb-saytimiz orqali mahsulotlar sotib olganingizda, biz shaxsiy maʼlumotlaringizni ushbu sotuvchilar bilan ulashamiz.

• Reklama hamkorlari. Biz reklamamizning samaradorligini oʻlchash, marketing amaliyotlarimizni takomillashtirish va sizga munosib reklamalarni yetkazib berishimizga yordam berishi uchun shaxsiy maʼlumotlarni, jumladan, Xizmatlarimiz bilan qanday munosabatda boʻlganingiz, koʻrayotgan reklamalaringiz va ijtimoiy tarmoqlar va boshqa reklama hamkorlari orqali qilgan xaridlaringizni ulashamiz. Sizning marketing xohishlaringizga muvofiq, shaxsiy maʼlumotlaringizni biz sizga qiziq boʻlishi mumkin deb hisoblagan mahsulot yoki xizmatlarni taklif qilayotgan yoki boshqa yoʻl bilan marketing tadqiqotlari va tahlillarini oʻtkazayotgan uchinchi tomonlar bilan ulashishimiz mumkin. Ushbu tomonlar shaxsiy maʼlumotlaringizdan siz bilan takliflar yoki reklamalar yuzasidan bogʻlanish uchun foydalanishi mumkin.

• Boshqa biznes hamkorlar. Siz Xizmatlarimiz yoki Xizmatlarimiz bilan bogʻliq reklama materiallari orqali soʻrov bildirgan Xizmatlarga kirishingizga imkon berish uchun kerak boʻlganda shaxsiy maʼlumotlaringizni boshqa biznes hamkorlarga oshkor qilamiz.

• Saytimizga tashrif buyuruvchilar. Veb-saytning ayrim sohalarida, jumladan, mahsulotnining taqriz taxtalariga, chat xonalariga, forumlarga yoki boshqa ommaviy joylashtirish mumkin joylariga joylashtirgan xabarlaringizni veb-saytimizga tashrif buyuruvchilar koʻrishi mumkin. [Siz veb-saytimizda joylashtirgan maʼlumotlar boshqalarga koʻrinadigan joyni aniqlashtiramiz.]

• Biznes maslahatchilar: masalan, huquqshunoslarimiz, buxgalterlarimiz, biznes konsultantlarimiz, sugʻurtachilarimiz, auditorlarimiz, ular bizga oʻz xizmatlarini taqdim etishlari kerak boʻlgan darajada.

• Hukumat organlari, sud organlari, nazorat qiluvchi organlar yoki talab qilinganda boshqa uchinchi tomonlarga: Biz bunday qilish uchun qonuniy talab boʻlsa yoki biz bunday qilish kerak deb hisoblasak, shaxsiy maʼlumotlarni davlat organlariga, sud organlariga, nazorat qiluvchi organlarga yoki boshqa uchinchi tomonlarga oshkor qilamiz:

- qonunga rioya qilish yoki majburiy sud jarayonlariga javob berish (masalan, tintuv orderi, sudga chaqiruv vaqarasi yoki sud buyrugʻi) uchun;

- Bunday oshkor qilish amaldagi maʼlumotlarni himoya qilish boʻyicha qonunlari tomonidan ruxsat etilgan darajada, Xizmatlarimizni tartibga soluvchi shartlar va siyosatlarga muvofiqlikni tekshirish yoki amalga oshirish hamda Xizmatlarimizdan foydalanish bilan bogʻliq yoki bizning biznesimizga taʼsir qiladigan firibgarlik yoki boshqa noqonuniy faoliyatni tekshirish va oldini olish uchun; va

- huquqlarimiz, mulkimiz va biznes operatsiyalarimiz hamda aloqador filiallarimiz, xodimlarimiz, biznes hamkorlarimiz, mijozlarimiz yoki jamoatchilik vakillarining muhofazasi yoki xavfsizligini himoya qilish va muhofazalash uchun.

• Korporativ bitimlar. Biz maʼlumotlaringizni uchinchi tomonga (va ularning biznes maslahatchilariga) birlashuv yoki oʻtkazish, qayta tashkil etish, sotib olish yoki sotish (shu jumladan muzokaralar kontekstida), tarqatib yuborish yoki boshqa korporativ bitim yoki bankrotlik yuz bergan taqdirda oshkor qilishimiz mumkin.

• Sizning roziligingiz yoki soʻrovingiz boʻyicha boshqa tomonlar. Ushbu Maxfiylik Siyosatida tasvirlangan oshkor qilish holatlaridan tashqari, siz bunday ulashuvga alohida rozilik berganingizda yoki soʻrov bildirganingizda siz haqingizdagi maʼlumotlarni uchinchi tomonlar bilan ulashishimiz mumkin.

• Tahlillar Biz vaqt davomida va uchinchi tomonlarning veb-saytlari, qurilmalari, ilovalari va boshqa onlayn xususiyatlar va xizmatlar boʻylab veb-saytlar va ulangan qurilmalardagi onlayn harakatlaringiz toʻgʻrisidagi maʼlumotlarni toʻplashimiz mumkin. Biz Google Analytics, Firebase va boshqalar (batafsil tanishing) kabi uchinchi tomon analitika xizmatlaridan foydalanishimiz mumkin.  Biz oladigan maʼlumotlar ushbu provayderlar va maʼlumotlardan foydalanuvchi boshqa tegishli uchinchi tomonlarga, masalan, Xizmatlardan foydalanishni baholash uchun oshkor qilinishi yoki ular tomonidan bevosita toʻplanishi mumkin. Masalan, Google Analytics xizmati toʻgʻrisida batafsil maʼlumot uchun “Hamkorlarimizning saytlari yoki ilovalaridan foydalanganingizda Google maʼlumotlardan qanday foydalanadi”(https://www.google.com/policies/privacy/partners/ manzilidada joylashgan), “Maʼlumotlaringizni himoya qilish” (https://support.google.com/analytics/answer/6004245#zippy= manzilida joylashgan) “Google Analytics xizmatini oʻchirib qoʻyish uchun brauzerni sozlash” (https://tools.google.com/dlpage/gaoptout manzilida joylashgan) boʻlimlariga qarang.

5. Shaxsiy maʼlumotlarni saqlash

Biz maʼlumotlarga quyidagi tamoyillarga muvofiq ishlov berish va saqlashimizni taʼminlash uchun tegishli choralarni amalga oshiramiz:

• hech boʻlmaganda maʼlumotlardan sizga Xizmatlarimizni taqdim etishda foydalaniladigan muddat uchun;

• qonun, shartnoma yoki bizning qonuniy majburiyatlarimiz (masalan, soliq qonunlari) boʻyicha talab qilinganda; yoki

• haqiqiy yoki shubhalarga asoslangan shikoyat, tergov yoki huquqiy nizoni hal qilish uchun asosli ravishda zarur bo‘lgan vaqt davomida; 

• faqat u toʻplangan maqsad uchun zarur boʻlgan vaqtgacha, yoki har qanday shartnomada nazarda tutilgan boʻlsa, amaldagi qonunchilikda yoki anonim shaklda, statistik maqsadlarda, tegishli himoya sharti bilan uzoqroq muddatgacha ishlov beriladi. Masalan, agar siz va LG Group oʻrtasida nizo kelib chiqsa yoki siz Xizmatlarimiz uchun toʻlovni amalga oshira olmasangiz, biz tegishli maʼlumotlarni bunday nizo hal etilmagunga qadar yoki tegishli ravishda toʻlov amalga oshirilmagunga qadar saqlab qolishimiz mumkin. Agar siz butun LG hisob qaydnomangizni o‘chirsangiz, amaldagi qonunchilikda boshqacha tartib nazarda tutilgan bo‘lmasa, ma’lumotlaringiz uch oy davomida saqlanadi va keyin darhol yo‘q qilinadi.

• Maʼlumotlaringizni bilan qayta ishlaganimizda, biz maʼlumotlarni bizdan toʻxtatishimizni soʻraguningizga qadar va undan keyin qisqa muddat davomida (soʻrovlaringizni amalga oshirishimizga imkon yaratish uchun) qayta ishlaymiz. Kelgusida soʻrovingizni hurmat qilishimiz uchun bizdan oʻzingizga bevosita marketing xabarlari yubormaslikni yoki maʼlumotlaringizni cheksiz muddat davomida qayta ishlamaslikni soʻraganingiz faktini qayd qilamiz.

6. Sizning tanlovlaringiz

Ruxsat berilgan hollarda, siz bilan elektron pochta, telefon qoʻngʻirogʻi, matnli xabarlar yoki mobil ilovalarimiz yordamida push-bildirishnomalar orqali bogʻlanishimiz mumkin. Bizdan bunday xabarlarni qabul qilish boʻyicha soʻrov yuborish uchun quyidagi “Bizga murojaat qiling” boʻlimida koʻrsatilgan maʼlumotlardan foydalangan holda bizga murojaat qiling.

Siz istalgan vaqtda elektron pochta xabarlarining pastki qismidagi “obunani bekor qilish” havolasini bosish yoki bevosita bizga murojaat qilish orqali marketing xabarlariga obunani bekor qilishingiz mumkin (quyidagi “Bizga murojaat qiling” bo‘limiga qarang).

Agar bizning marketing xabarlarimiz obunasini bekor qilsangiz, biz obunani bekor qilish soʻrovingizga imkon qadar tezroq ishlav beramiz, biroq shuni yodda tutingki, ayrim hollarda soʻrovingizni koʻrib chiqayotganimizda qisqa vaqt davomida marketing xabarlarini olishda davom etishingiz mumkin. Biz shartnomangiz va siz foydalanadigan Xizmatlar (masalan, Foydalanish Shartlarimizdagi oʻzgarishlar haqida sizni xabardor qilish uchun) boʻyicha kerakli maʼlumotlarni taqdim etish uchun sizga xizmat xabarlarini yuborishni davom ettiramiz.

7. Sizning huquqlaringiz

Amaldagi qonunchilikda nazarda tutilgan darajada siz mahalliy LG Group aʼzosidan bizda siz haqingizda mavjud boʻlgan shaxsiy maʼlumotlarning nusxasini soʻrashingiz mumkin. Bundan tashqari, siz bizdan shaxsiy maʼlumotlarni oʻchirishni yoki har qanday noaniqliklarni tuzatishni, shaxsiy maʼlumotlaringizga ishlov berishni cheklash yoki chegaralashni, roziligingizni qaytarib olishni, bizga shartnoma uchun yoki roziligingiz bilan tizimlashtirilgan, mashina oʻqishi mumkin boʻlgan formatda taqdim etgan shaxsiy maʼlumotlarni taqdim etishimizni va bu maʼlumotlarni boshqa kontroller bilan ulashishni (oʻtkazishni) soʻrashingiz mumkin.

Bundan tashqari, amaldagi qonunchilikda koʻzda tutilgan darajada, siz baʼzi holatlarda (xususan, shartnomaviy yoki boshqa qonuniy talabni qondirish uchun maʼlumotlarga ishlov berishimiz shart boʻlmagan hollarda) shaxsiy maʼlumotlaringizga ishlov berilishiga qarshilik qilishingiz mumkin.

Biroq, bu huquqlar cheklangan boʻlishi mumkin, masalan agar sizning soʻrovingizni bajarish boshqa shaxs toʻgʻrisidagi shaxsiy maʼlumotlarni oshkor etsa, bunda ular uchinchi tomonning huquqlarini (shu jumladan, bizning huquqlarimizni) buzadigan boʻlsa yoki siz bizdan qonunga koʻra saqlashimiz kerak boʻlgan maʼlumotlarni oʻchirib tashlashimizni soʻrasangiz yoki saqlashda jiddiy qonuniy manfaatlarga ega boʻlsangiz. Aloqador istisnolar GDPRga ham, milliy qonunlarga ham kiritilgan. Biz oʻzingiz bildirgan birorta soʻrovga javob berishda biz tomondan tayaniladigan tegishli istisnolar haqida sizga xabar beramiz. Huquqlaringiz boʻyicha soʻrov yuborish yoki savollar bildirish uchun quyidagi “Bizga murojaat qiling” boʻlimi ostidagi kontakt maʼlumotlaridan foydalaning. Ayrim hollarda oʻz huquqlaringizni bevosita veb-sayt orqali ham amalga oshirishingiz mumkin.

8. Biz shaxsiy ma’lumotlarni qanday himoya qilamiz

Biz maʼlumotlaringizni himoya qilishga jiddiy yondashamiz va Xizmatlarimiz orqali toʻplangan maʼlumotlarni himoya qilishga moʻljallangan amaldagi himoya choralariga egamiz. Ammo biz maʼlumotlaringizni himoya qilish uchun oqilona choralarni amalga oshirsak-da, birorta veb-sayt, Internet uzatisho, kompyuter tizimi yoki simsiz ulanish butunlay xavfsiz boʻlmasliginini yodda tuting.

9. Maʼlumotlarni xalqaro uzatish

Xizmatlardan foydalanishingiz shaxsiy maʼlumotlaringizning oʻzingiz rezidenti boʻlgan mamlakat ichida ushbu Maxfiylik Siyosatiga mos tarzda oʻtkazilishi, saqlanishi va ishlov berilishini oʻz ichiga oladi. Xususan, shaxsiy maʼlumotlaringiz Koreya Respublikasi va Qoʻshma shtatlarga oʻtkaziladi. Shuni yodda tutingki, maʼlumotlaringiz oʻtkazilishi mumkin boʻlgan mamlakatlarning maʼlumotlarni himoya qilish boʻyicha qonunlari va boshqa qonunlari mamlakatingizdagi kabi keng qamrovli boʻlmasligi mumkin.

[Yevropalik rezidentlar uchun]

Agar siz EEA (Yevropa iqtisodiy hududi, yaʼni Yevropa Ittifoqi va Islandiya, Lixtenshteyn, Norvegiya), Buyuk Britaniya yoki Shvetsariya hududida boʻlsangiz, shaxsiy maʼlumotlaringizni EEA, Buyuk Britaniya yoki Shvetsariyadan tashqaridagi boshqa mamlakatlarga, jumladan Koreya Respublikasi va Qoʻshma Shtatlarga oʻtkazamiz. Yevropa Ittifoqi qonunlari Koreya Respublikasi shaxsiy maʼlumotlarni yetarli darajada himoya qilayotganini tan oladi. Ammo biz shaxsiy maʼlumotlaringizni amaldagi qonunchilikka koʻra yetarli deb hisoblanmagan yurisdiksiyaga uzatganimizda shaxsiy maʼlumotlaringiz himoyalanganligini taʼminlash uchun amaldagi qonunlarga muvofiq tegishli choralarni koʻramiz. Bunday chora-tadbirlar, masalan, Yevropa Ittifoqi, Buyuk Britaniya va Shvetsariya tomonidan tasdiqlangan namunaviy qoidalardan foydalanishni oʻz ichiga oladi. Ayrim hollarda, agar bu maqsadga muvofiq boʻlsa, biz sizning yaqqol roziligingizga asoslanamiz. Koʻproq maʼlumot talab qilish yoki shartnomaviy kelishuvlar yoki amaldagi boshqa himoya choralari nusxalarini olish uchun quyidagi “Bizga murojaat qiling” boʻlimida berilgan kontakt maʼlumotlaridan foydalaning.

10. Maxfiylik Siyosatimizga yangilanishlar

Ushbu Maxfiylik Siyosati Xizmatlarimizga nisbatan shaxsiy maʼlumotlar boʻyicha amaliyotimizdagi oʻzgarishlarni yoki amaldagi qonunchilikdagi oʻzgarishlarni aks ettirish uchun yangilanishi mumkin.

11. Bizga murojaat qiling

Huquqlaringizdan foydalanish yoki shaxsiy maʼlumotlaringizdan qanday foydalanishimiz haqida qoʻshimcha maʼlumot olish uchun bizga murojaat qiling.

Oʻzingiz haqingizda veb-sayt orqali yoki boshqa mahalliy LG Group aʼzosi tomonidan toʻplangan maʼlumotlarga oid savol va soʻrovlar yuzasidan mahalliy LG Group aʼzosiga murojaat qiling. Mahalliy LG Group aʼzosining nomi va kontakt ma’lumotlarini bu yerda topish mumkin.

Oʻzingiz haqingizda boshqa barcha xizmatlar orqali toʻplangan maʼlumotlarga oid savollar va soʻrovlar yuzasidan LGE kompaniyasiga [bu yerda] yoki [LG Twin Tower, 128 Yeoui—daero, Yeongdeungpo-gu, Seul, Koreya Respublikasi] pochta manzili orqali murojaat qiling. Mahalliy LG Group aʼzosining nomi va kontakt ma’lumotlarini bu yerda topish mumkin.

12. Bolalarning shaxsiy maʼlumotlari

Bizning Xizmatlarimiz umumiy auditoriya uchun moʻljallangan boʻlib, bolalarga nisbatan yoʻnaltirilmagan. Xizmatlarimiz yuzasidan biz 14 yoshga toʻlmagan biror kishidan bilib turib shaxsiy maʼlumotlarni toʻplamaymiz yoki saqlamaymiz yoki bunday shaxslarga bizning Xizmatlarimizdan foydalanishiga bilib turib ruxsat bermaymiz. Bizga 14 yoshga toʻlmagan shaxslarga oid shaxsiy maʼlumotlarni taqdim etmang. Agar siz 14 yoshdan kichik boʻlsangiz, Xizmatlarimizda roʻyxatdan oʻtishga urinmang yoki bizga shaxsiy maʼlumotlarni taqdim etmang. Agar 14 yoshga toʻlmagan shaxs bizga shaxsiy maʼlumotlarini taqdim etgani haqida bilib qolsak, biz bunday shaxsiy maʼlumotlarni darhol oʻchirib tashlaymiz. Agar siz 14 yoshdan kichik bola bizga shaxsiy maʼlumotlarni taqdim etgan deb hisoblasangiz, yuqoridagi “Bizga murojaat qiling” boʻlimida koʻrsatilgan maʼlumotlardan foydalangan holda bizga murojaat qiling.

Biz ayrim yurisdiksiyalarda yoshga nisbatan qatʼiyroq siyosatni qabul qilishimiz mumkin. Qoʻshimcha maʼlumot olish uchun ushbu Maxfiylik Siyosatining pastki qismidagi yurisdiksiyangizga tegishli qoʻshimcha maʼlumotlarni oʻqing.

LG korxonalari

Xizmatlar