Press-reliz

SEOUL, 2024-yil 19-dekabr — LG Electronics (LG) dunyodagi birinchi shaffof va to‘liq simsiz 4K OLED televizori bo‘lmish 77 dyuymli LG SIGNATURE OLED T ning global taqdimotiga tayyorgarlik ko‘rmoqda. Ushbu inqilobiy model joriy yilning dekabr oyida AQShda sotuvga chiqariladi, keyinchalik esa boshqa mamlakatlar bozorlarida ham taqdim etiladi.

CES® 2024 ko‘rgazmasida namoyish etilgan LG SIGNATURE OLED T innovatsion texnologiyalar va dizayn sohasidagi haqiqiy yutuq bo‘lib, LG kompaniyasining yangi va yanada yaxshi mahsulotlarni yaratishga bo‘lgan tinimsiz intilishini aks ettiradi. Uning o‘ta zamonaviy o‘zidan yorishuvchi ekrani shaffof ekrandan shaffof bo’lmagan ekranga aylanish xususiyatiga ega; bu noyob xususiyat turar joy bo‘shlig‘ida katta erkinlik berib, OLED tasvirini ta’minlaydi. Butun dunyoda e’tirof etilgan LG kompaniyasining shaffof OLED texnologiyasi TIME jurnalining 2024-yildagi eng yaxshi ixtirolar ro‘yxatiga kiritildi va CES 2024 innovatsiya ko‘rgazmasida jami beshta mukofotga sazovor bo‘ldi, jumladan "Eng yaxshi innovatsiya" nominatsiyasida g‘olib deb topildi.

Foydalanuvchilar bir tugmani bosish orqali shaffof va shaffof bo‘lmagan rejimlar o‘rtasida osonlikcha o‘tish imkoniyatiga ega bo‘lib, bu ko‘ngilochar va xona dizayni uchun noyob imkoniyatlarni yaratadi. Shaffof rejimda OLED T ishonch hosil qilish uchun ko‘rish kerak bo‘lgan futuristik kontentni taklif qiladi. Ekran nafaqat kontentning havoda muallaq turgandek taassurotini yaratadi, balki ekrandagi tasvirlarni atrofdagi makon bilan "uyg‘unlashtirish" orqali maftunkor ta’sir ham uyg‘otadi.

LG OLED T shaffof OLED-ekranning noyob afzalliklaridan optimal foydalanishga imkon beruvchi va uning ajralib turuvchi qiymatini oshiruvchi universal funksiyalar to‘plami orqali foydalanuvchining imkoniyatlarini yanada kengaytiradi.

Ajralib turadigan xususiyatlardan biri T-Objet bo‘lib, u Doimo yoniq displey (AOD) rejimini taqdim etadi. Bu rejim ekranni shaffof raqamli tuvalga aylantirib, san’at asarlari, videolar yoki fotosuratlarni ajoyib rang va tiniqlikda namoyish etish imkonini beradi. Bunga qo‘shimcha ravishda T-Bar - ekranning pastki qismida paydo bo‘ladigan zamonaviy ma’lumot tasmasi bo‘lib, u sport natijalari, IoT qurilmalari holati, ob-havo prognozi yoki tarona nomi haqidagi ma’lumotlarni taqdim etadi. T-Bar faol bo‘lganida, ekranning qolgan qismi foydalanilmay qoladi. Bu esa LG ning "deyarli ko‘rinmas" displey ortidagi makonni aniq tasavvur qilish imkonini beradi hamda toza va ortiqcha narsalardan xoli ko‘rinishni ta’minlaydi. Qo‘shimcha qulaylik uchun T-Home foydalanuvchilarga qulay interfeysni taklif qiladi, u mavjud xizmatlarning yaxshi tashkillashtirilgan umumiy ko‘rinishini, shuningdek, ilovalar, sozlamalar va boshqa funksiyalarga tezkor kirishni taqdim etadi.

LG OLED T o‘zining hayratlanarli 77 dyuymli ekran o‘lchamiga qaramay, xonada keng makon hissini kuchaytiradi va oddiy televizorlar bera olmaydigan ochiqlik tuyg‘usini yaratadi. Uning shaffofligi tufayli, uni xonaning markaziy qismiga halaqit bermasdan joylashtirish yoki derazalar oldiga o‘rnatish mumkin, bu esa tabiiy yorug‘lik va tashqi manzaralarni to‘sib qo‘ymaydi.

Shaffof 4K OLED ekrani va LG kompaniyasining haqiqiy simsiz video hamda audio uzatish texnologiyasi uyg‘unlashgan holda nafaqat estetik jihatdan qimmatli, balki uyda dam olish tajribasini ham yuksaltiradi. Chalkash simlardan xoli bo‘lgan bu qurilma, tomoshabinni o‘ziga jalb qiladigan va chalg‘ituvchi omillardan holi bo‘lgan tomosha muhitini ta’minlaydi.

OLED T - LG kompaniyasining "Zero Connect Box" innovatsion ishlanmasi bo‘lib, u video va tovushni yo‘qotish va kechikishlarsiz simsiz uzatish uchun yechim* bo‘lib, uzluksiz tomosha qilishni ta’minlaydi. OLED T 120 Gerts o‘zgaruvchan yangilash tezligida 4K sifatini qo‘llab-quvvatlashi tufayli, u NVIDIA G-SYNC® Compatible va AMD FreeSync Premium tomonidan sertifikatlangan. Bu esa tasvir uzilishi va sekinlashishlarni bartaraf etib, eng dinamik va haqiqatga yaqin o‘yin tajribasini ta’minlaydi.

LG SIGNATURE OLED T, 2013-yilda bozorga kirib kelgan ilk modelidan boshlab, LG OLED televizorlarining o‘ziga xos xususiyati bo‘lib kelayotgan ajoyib tasvir sifati va maftunkor ko‘rish imkoniyatlarini ta’minlash bo‘yicha LG an’anasini davom ettirmoqda.

OLED sohasidagi innovatsiyalarning o‘n yildan ortiq tajribasiga asoslanib, noyob LG televizori yorqin, aniq ranglarni aks ettirish va aql bovar qilmaydigan kontrast yaratish orqali tasvirlarni jonlantiradi. LG ning ilg‘or α (Alpha) 11 sun’iy intellekt protsessori bilan jihozlangan OLED T, tasvir va tovush sifatini intellektual ravishda optimallashtiradi va beqiyos vizual va audial taassurotlarni taqdim etadi.

"LG SIGNATURE OLED T foydalanuvchilarga yo‘naltirilgan ajoyib innovatsiya bo‘lib, u o‘ziga xos ko‘p qirrali tomosha tajribasini va misli ko‘rilmagan fazoviy moslashuvchanlikni taqdim etadi" – deydi LG Media Entertainment Solution kompaniyasi prezidenti Park Hyoung-sei. "LG innovatsiyalarning oldingi safida qolishda davom etmoqda. U o‘zining sanoatda yetakchi OLED texnologiyasini noyob shakl-shamoyillar, shaffof ekranlar, simsiz ulanish va boshqa ko‘plab imkoniyatlar bilan uyg‘unlashtirib, hayotni boyituvchi misli ko‘rilmagan yutuqlarni ta’minlamoqda. Bunday yutuqlarni boshqa hech bir televizor ishlab chiqaruvchisi takrorlay olmaydi".

^* Simsiz uzatish televizor ekrani bilan Zero Connect Box o‘rtasida video va audio signallarni uzatishni anglatadi. ISO/IEC 29170-2 standarti bo‘yicha o‘tkazilgan ichki sinovlar natijalariga asosan, bu jarayon ko‘z ilg‘amas darajada sifat yo‘qotishsiz amalga oshiriladi. Ammo, o‘lchov natijalari ulanish holatiga qarab farq qilishi mumkin.