Press-reliz

SEOUL, Jan. 2, 2024 - LG Electronics (LG) CES 2025 ko‘rgazmasida LG AI Home’ning qulayligi va avzalliklarini mobil makonlarga kengaytiruvchi innovatsion, yangi yechimni namoyish etmoqda. Kompaniya stendida taqdim etilgan "Lifestyle Solution for Mobility" kontseptual avtomobili LG Mobility Experience (MX) platformasini taqdim etadi. Bu mobillik makoni uchun inqilobiy yechim LGning "aqlli hayot" uchun yechimlarining to‘liq to‘plamini birlashtiradi, mobillik va sun’iy intellektli uy o‘rtasida uzluksiz aloqani yaratish uchun hayot uchun mutlaqo yangi imkoniyatlarni taklif qiladi.

LG kompaniyasining MX platformasi uy yechimlarining ta’rifini kengaytirib, ko‘p qirrali va ko‘p maqsadli yangi turdagi makonni yaratmoqda. Modulli paket tizimidan foydalanib, platforma LGning innovatsion qurilmalari va sun’iy intellekt texnologiyalarini birlashtiradi, bu esa avtomobil salonini moslashuvchan muhitga aylantiradi. Ushbu makon uy, xususiy media zal yoki ijodiy studiyaning kengaytmasi sifatida ishlashi mumkin, bu esa potensial mijozlar uchun qiziqarli "Tajriba maydoni" imkoniyatlarini ochadi.

MX platformasi avtomobilsozlik sanoatining yetakchi tendensiyalari va mijozlar xohish-istaklariga mos keladi, ular transportning an’anaviy tushunchalaridan uzoqlashib, shaxsiy hayot tarzi makoni sifatida transport vositalari g‘oyasiga o‘tmoqda. Platforma eng so‘nggi mahsulotlar, sun’iy intellekt yechimlari va xizmatlarni uyg‘unlashtirgan holda foydalanuvchilarga yuqori darajadagi qulay va shinam sharoitlarni ta’minlaydigan moslashtirilgan turmush tarzi tajribasini taqdim etadi.

MX platformasi ikki kabinali dizaynga ega: haydovchining old kabinasi va individual sozlash imkoniyatiga ega orqa bo‘shliq. Foydalanuvchilar bu ko‘p maqsadli makonni turli yo‘llar bilan moslashtira oladilar. Masalan, uni ko‘p funksiyali hududlarga ajratishlari yoki hayot uchun o‘ta shaxsiylashtirilgan makonga aylantirishlari mumkin. Bu ijodkorlar uchun studiya, biznes uchun mehmonxona yoki dam olish va sevimli mashg‘ulotlar uchun alohida zonalar bo‘lishi mumkin. Modulli dizayn orqa kabinani turli xil qurilmalar bilan jihozlash imkonini beradi, bu esa foydalanuvchilarga o‘z ehtiyoj va istaklariga mos kombinatsiyalarni tanlash imkonini beradi. LG kompaniyasi MX platformasini obuna xizmati sifatida taqdim etishni rejalashtirmoqda, shu orqali uni keng auditoriyaga yetkazmoqchi.

CES 2025 ko‘rgazmasida LG stendiga tashrif buyuruvchilar "Harakatlanish uchun hayot tarzi yechimlari" makonida MX platformasi bilan tanishishlari mumkin. Bu yerda LG kompaniyasining zamonaviy texnika va buyumlar interneti qurilmalaridan foydalangan holda makon uchun moslashuvchan yechimlar hamda mobil turmush tarzi yechimlari taqdim etiladi. Shuningdek, bu yerda harakatlanish va ulangan gibrid yashash maydonlarining istiqboli ko‘rsatiladi.

"Makon tajriba sifatida" konsepsiyasiga asoslangan MX innovatsion platformasi, mobillik uchun yangi yo‘nalishni taqdim etish maqsadida LGning maishiy texnika va AI Home texnologiyalarining kuchli tomonlaridan foydalanadi," - dedi LG Home Appliance Solution Company prezidenti Lyu Chje-cheol. "Zero Labor Home  (Mehnatsiz uy) g‘oyamizga amal qilib, biz kundalik hayotning barcha jabhalarida mijozlarni bog‘lash va ularning imkoniyatlarini kengaytirishda davom etamiz."

7-10-yanvar kunlari CES 2025 ko‘rgazmasiga tashrif buyuruvchilar LG kompaniyasining barcha so‘nggi innovatsiyalarini, jumladan MX platformasini, kompaniyaning ko‘rgazma maydonchasida (#15004, Las-Vegas konventsiya markazi) o‘z ko‘zlari bilan ko‘rishlari va yaqindan tanishishlari mumkin.