Press-reliz

Las Vegas, 2025-yil 6-yanvar — LG Electronics (LG) Xbox bilan hamkorlik o‘rnatganini e’lon qildi. Bu hamkorlik natijasida o‘yinchilar LG Smart televizorlarida Xbox ilovasi orqali yuzlab o‘yinlardan foydalanish imkoniyatiga ega bo‘ladilar. Smart TV¹ texnologiyasiga ega LG televizorlarining egalari yangi o‘yin portali yordamida tarmoqning yetakchi hamkorlaridan kompyuter va konsol o‘yinlarining keng tanlovini bemalol kashf qilishlari va o‘ynashlari mumkin.² Ushbu ko‘p funksiyali o‘yin markazi eng so‘nggi AAA o‘yinlaridan tortib webOS ilovalaridagi oddiy o‘yinlargacha bo‘lgan barcha turdagi o‘yinlar uchun to‘siqlarsiz navigatsiya va shaxsiy moslashtirishni ta’minlaydigan universal yechim sifatida yaratilgan.

O‘yin ishqibozlari uchun LG Smart TV foydalanuvchilari tez orada Xbox Game Pass Ultimate bilan yuzlab o‘yinlarga, jumladan, Call of Duty®: BlackOps 6 kabi mashhur o‘yinlarga va Avowed kabi uzoq kutilgan relizlarga to‘g‘ridan-to‘g‘ri kirish uchun O‘yin portalini ochishlari mumkin bo‘ladi. Game Pass Ultimate bilan o‘yinchilar NBA 2K25 yoki Hogwarts Legacy kabi tanlangan Xbox o‘yinlari katalogini ham translyatsiya qilishlari mumkin.

"Biz LG Smart TV televizorlarining o‘yin imkoniyatlarini ommabop o‘yinlarning kengroq tanlovi bilan boyitishga qaratilgan Xbox bilan hamkorlikni e’lon qilishdan mamnunmiz," - dedi LG Media Entertainment Solution Company kompaniyasining platforma biznesi bo‘yicha katta vitse-prezidenti Kris Jo. "O‘yin portali foydalanuvchilarga LG Smart TV televizorlarida o‘yin jarayonini yaxshilashning to‘siqsiz, qulay va qiziqarli usulini taqdim etadi."

"LG bilan hamkorligimiz o‘yinchilarga LG Smart TV televizorlarida yangi o‘yin portali orqali o‘yinlarni oson topish va o‘ynash imkonini beradi," - deb ta’kidlaydi Xbox korporativ vitse-prezidenti Lori Rayt. "Biz juda omadlimizki, LG kabi ajoyib hamkorga egamiz. U Xbox Cloud Gaming‘ni ko‘proq o‘yinchilarga yetkazib beradi, bu esa yangi va tajribali Xbox foydalanuvchilariga sevimli o‘yinlarini topish hamda turli xil ekranlarda do‘stlari bilan o‘ynash imkoniyatini yaratadi."

WebOS asosida ishlaydigan va asosiy ekrandan oson kirish mumkin bo‘lgan o‘yin portalining tushunarli interfeysi foydalanuvchilarga sevimli o‘yinlarini osonlik bilan topish va ulardan zavqlanish imkonini beradi. LG o‘yin portali bulutli o‘yin ilovalarini, masofadan boshqarish pulti yordamida o‘ynash mumkin bo‘lgan webOS o‘yinlarini, yaqinda o‘ynalgan o‘yinlarni, 10 ta eng mashhur o‘yinlarni, muharrirlar tanlovini va boshqa foydalanuvchiga qulay o‘yin imkoniyatlarini o‘z ichiga olgan to‘liq ilovalar to‘plamini taqdim etadi.

# # #

1. Xizmatlar va жал қилинган mamlakatlarга oid ma’lumotlar keyinroq e’lon qilinadi
2. O‘yin portalining mavjudligi televizor modeliga bog‘liq.