Press-reliz

SEUL, 2024-yil 16-dekabr — Mobillik sohasida texnologiya yetakchisi bo‘lgan LG Electronics (LG) o‘zining so‘nggi innovatsiyasini CES 2025 ko‘rgazmasida namoyish etishga tayyorlanmoqda. Bu yangilik LGning "AI In-Vehicle Experience" nomi ostida taqdim etiladi. LG kompaniyasining Vision AI yechimiga asoslangan ushbu kabina ichki sezgir tizimi transport vositasi ichidagi sharoitlarni optimallashtirib, yo‘lovchilarning ehtiyojlarini aniqlash va ularga javob berish orqali haydash jarayonini yanada xavfsizroq va qulayroq qilishga mo‘ljallangan. "G’amxo’r intellekt bilan hayot doimo yaxshi" shiori ostida, ushbu sun’iy intellektga asoslangan sensorli yechim LG-ning boshqa sun’iy intellekt sohasidagi innovatsiyalari bilan birga kompaniyaning CES ko’rgazmasidagi stendlarida namoyish etiladi.

AI In-Vehicle Experience haydovchi va avtomobil salonining holatini real vaqt rejimida aniqlash hamda tahlil qilishdan boshlanadi. Bu ikki asosiy tizim: haydovchini kuzatish tizimi (DMS) va haydovchi hamda salonni kuzatish tizimi (DIMS)yordamida amalga oshiriladi. Vision AI tomonidan boshqariladigan har ikkala tizim ham CES ko‘rgazmasida jonli va interaktiv simulyatsiyalar orqali namoyish etiladi. Bu esa tashrif buyuruvchilarga kelajakdagi avtomobil salonini bevosita his qilish va sinab ko‘rish imkonini beradi. Ushbu simulyatsiyalar LG texnologiyasi haydash sharoitlari va haydovchining holatini real vaqt rejimida qanday aniqlik bilan tahlil qila olishini ko‘rsatib beradi, hamda sun’iy intellekt yordamida ishlayotgan avtomobil rejimining amaliy namunasini taqdim etadi.

LG mobillik sohasidagi innovatsiyalar konsepsiyasida markaziy o‘rinni tutgan holda, sun’iy intellektga asoslangan salondagi sensorli yechim shaxsiy xohish-istaklar va ehtiyojlarga intuitiv tarzda moslashadi, shaxsiylashtirilgan harakat yo‘nalishlari, real vaqt rejimida yo‘l sharoitlarini yangilash va yaqin atrofdagi infratuzilma obyektlari va diqqatga sazovor joylar haqida ma’lumot kabi individual xizmatlarni taqdim etadi. DMS real vaqt rejimida yurak urishini kuzatish va yuz ifodasini aniqlash orqali haydovchining jismoniy salomatligi va emotsional holatini aniqlashi mumkin. Ushbu tizim foydalanuvchilarning hushyorlik darajasi va umumiy sog‘lig‘i haqida xabar berish orqali yo‘l harakati xavfsizligini oshirishga yordam beradi, shuningdek, ularga vaqt o‘tishi bilan o‘z salomatligini kuzatib borishning qulay usulini taqdim etadi. Salonda Vision AI sun’iy intellekti va murakkab sensorlardan foydalanish LG kompaniyasining harakatchanlik imkoniyatlarini kengaytiruvchi ilg‘or innovatsiyalarni joriy etishga bo‘lgan intilishini yaqqol ko‘rsatmoqda.

"Affectionate Intelligence texnologiyasi tufayli "LG"ning avtomobil saloni uchun mo’ljallangan eksklyuziv yechimi avtomobil ishlab chiqaruvchilarga unumdorlik, sifat va moslashuvchanlikni, haydovchi va yo‘lovchilarga esa xavfsizlik va haydash zavqini taqdim etadi," - deydi LG Vehicle Solution Company prezidenti Eun Seok-hyun.