Press-reliz

SEOUL, 2024-yil 21-noyabr — LG Electronics (LG) bugun direktorlar kengashi tomonidan ma’qullanganidan so‘ng bir qator tashkiliy o‘zgarishlar va rahbariyatdagi tayinlovlar haqida e’lon qildi. Ushbu restrukturizatsiya tashkilotlararo sinergiya va biznes portfelining innovatsion rivojlanishini kuchaytirish orqali kompaniyaning o‘rta va uzoq muddatli «Future Vision 2030» strategiyasini amalga oshirishni jadallashtirishga qaratilgan.

Restrukturizatsiya mavjud bizneslarning salohiyatidan maksimal darajada foydalanish, platforma asosida xizmat ko‘rsatish operatsiyalarini kuchaytirish, B2B tashabbuslarini tezlashtirish va istiqbolli sohalarni yangi o‘sish mexanizmlari  bilan ta’minlash maqsadida LG* operatsion bo‘linmalarini qayta guruhlashga qaratilgan. Ushbu o‘zgarishlar strategik tanlov va imkoniyatlarni jamlash orqali samaradorlikni oshirishga mo‘ljallangan bo‘lib, natijada korxonalar o‘rtasida kuchli sinergiya yaratadi va kelajakdagi raqobatbardoshlikni mustahkamlaydi.

LG ushbu o‘zgarishlarni boshqarish uchun yetuk tajribaga ega bo‘lgan malakali mutaxassislarni jalb qiladi, bunda yuqori samarali tashkilotlarni rivojlantirish orqali kompaniyaning uzoq muddatli raqobatbardoshligini oshirishga e’tibor qaratiladi.

Biznes tuzilmasidagi asosiy o‘zgarishlar

Yangi kompaniya isitish, shamollatish va havoni konditsiyalash (HVAC) biznesining o‘sishini qo‘llab-quvvatlash uchun tashkil etiladi, bu LG kompaniyasining B2B strategiyasining eng muhim tarkibiy qismi hisoblanadi. Xorijdagi savdo va marketing kompaniyasi endi xorijdagi B2B dispetcherlik xizmati vazifalarini bajaradi. Bundan tashqari, sinergetik samarani ta’minlash va platformalar asosida xizmatlarni taqdim etish biznesini kengaytirish uchun displeylar, shu jumladan televizorlar, monitorlar va peshlavhalar ishlab chiqarish bo‘linmalari integratsiya qilinadi. O‘sishning yangi harakatlantiruvchi kuchlari biznesga ko‘proq aloqador bo‘lgan kompaniyalarga strategik tarzda o‘tkaziladi. Bu esa biznes yo‘nalishlari o‘rtasida o‘zaro manfaatli hamkorlikni yuzaga keltiradi va yanada barqaror ko‘makni ta’minlaydi.

To‘rtala kompaniya endi o‘z nomlariga "Solution" so‘zini qo‘shadi. Bu LG kompaniyasining aqlli hayot yechimlari yetkazib beruvchisi sifatida rivojlanishini aks ettiradi. LG uy-joy, tijorat binolari, mobil qurilmalar va virtual platformalar kabi turli muhitlarda mijozlar tajribasini birlashtiradi va rivojlantiradi.

Kompaniyalarni restrukturizatsiyalash

LG to‘rtta kompaniyasini qayta tashkil etib, maishiy texnika ishlab chiqaruvchi (HS), media va ko‘ngil ochar mahsulotlar ishlab chiqaruvchi (MS), avtomobil sanoati (VS) hamda ekologik yechimlar ishlab chiqaruvchi (ES) kompaniyalarga ajratdi. Bu qayta tashkillashtirish jarayoni ularning LG tarkibidagi vazifasi va o‘ziga xos xususiyatlarini o‘zgartirdi.

H&A kompaniyasi "Mehnatsiz uy, vaqtni sifati o’tkazish" konsepsiyasiga muvofiq bo‘lish uchun HS Company deb qayta nomlanadi. Ushbu g‘oyani qo‘llab-quvvatlash maqsadida LG kompaniyasi LG ThinQ’ni rejalashtirish, ishlab chiqish va boshqarish uchun mas’ul bo‘lgan Platform Business Center’ni bevosita HS Company tasarrufiga o‘tkazadi. Ushbu strategik qayta yo‘naltirish HS kompaniyasini uylar, tijorat obyektlari va transport vositalari kabi turli sohalarda sun’iy intellekt yechimlari bo‘yicha yetakchiga aylantirish, shuningdek, an’anaviy uy muhitidan tashqarida mijozlarning ehtiyojlarini samarali qondirish maqsadini ko‘zlaydi. Bundan tashqari, HS kompaniyasi o‘zining uy robotlari yechimlariga asosiy robot texnologiyalarini joriy etish maqsadida BS kompaniyasining Robot biznes bo‘limini o‘z tarkibiga qo‘shib olmoqda. Lyu Jae-cheol HS kompaniyasiga rahbarlik qilishda davom etadi.

HE kompaniyasi o‘z maqsadiga - media va ko‘ngilochar platformalarning kuchli ishlab chiqaruvchisiga aylanish uchun o‘z nomini "MS Company"ga o‘zgartiradi.  Kompaniya apparat vositalari va platformalar sohasida sinergiya yaratishga erishish uchun BS Company kompaniyasining axborot displeylari va axborot texnologiyalari ishlab chiqarish biznesini o‘zining televizion biznesi bilan birlashtiradi. Park Hyoung-sei MS kompaniyasiga rahbarlik qilishda davom etadi va uni media va ko‘ngilochar platformaga aylantirishga hissa qo‘shadi.

MS kompaniyasi asosan "aqlli" televizorlarda qo‘llaniladigan webOSni monitorlar, peshlavhalar va avtomobil axborot-ko‘ngilochar tizimlarigacha kengaytirib, platforma asosidagi xizmatlar sohasini kengaytirishni tezlashtiradi. webOS ichki va tashqi foydalanish uchun integratsiyalashgan kontent va xizmatlar platformasiga aylanadi, sinergiya va biznes tuzilmasini yaxshilash orqali raqobatbardoshlikni oshiradi.

VS kompaniyasi o‘z nomini Vehicle component Solutions Company dan Vehicle Solution Company ga o‘zgartirib, o‘z roliga aniqlik kiritadi, bu esa uning butun avtomobil ekotizimida innovatsion yechimlarni taqdim etishga intilishini urg’ulaydi. Eun Seok-hyun kompaniyani boshqarishda davom etadi.

Yangi ES kompaniyasi tashkil etildi. Ilgari H&A Company tarkibiga kirgan va LG‘ning B2B segmentidagi o‘sishiga katta hissa qo‘shgan HVAC biznesi endi ES Company doirasida alohida bo‘linma sifatida ish olib boradi. Air Solution Business Division bo‘limining hozirgi rahbari Lee Jae-sung ES kompaniyasiga boshchilik qilib, HVAC biznesida uzluksizlikni ta’minlaydi va uning strategik yo‘nalishini qo‘llab-quvvatlaydi.

HVAC biznesining loyihaviy tabiati hamda bozor va mijozlarning o‘ziga xos xususiyatlarini hisobga olgan holda, LG uni mustaqil kompaniya sifatida boshqarish kelajakda maksimal raqobatbardoshlik va o‘sish salohiyatini ta’minlashga qaror qildi. ES kompaniyasini tashkil etish orqali LG havoni konditsiyalash sohasida kompleks yechimlar bo‘yicha jahon yetakchisi mavqeini egallashni maqsad qilmoqda.

Bundan tashqari, ES kompaniyasi BS kompaniyasidan elektromobillarni quvvatlash biznesiga doir mas’uliyatni o‘z zimmasiga oladi hamda LG kompaniyasining kelajakdagi o‘sishining asosiy harakatlantiruvchi kuchlaridan biri bo‘lgan toza texnologiyalar sohasida B2B o‘sishini ta’minlashda hal qiluvchi ahamiyatga ega bo‘ladi.

Shu bilan birga, LG xorijiy B2B operatsiyalarining raqobatbardoshligini oshirish maqsadida Overseas Sales & Marketing kompaniyasi qoshida B2B biznes imkoniyatlarini kengaytirish bo‘limini tashkil etadi.

LG kompaniyasining kelajakdagi strategiyasini nazorat qilish vazifasini bajaradigan Bosh strategik boshqarma (BSB) sun’iy intellekt rivojlanishini kuzatib boradi va sun’iy intellekt sohasidagi global o‘zgarishlarga javob beradi. Ilgari raqamli transformatsiya uchun mas’ul bo‘lgan Raqamli bosh boshqarma DX markaziga aylantiriladi va BSBga to‘g‘ridan-to‘g‘ri bo‘ysunadi. DX markazi sun’iy intellektning generativ texnologiyalari yordamida biznes samaradorligini oshirishga e’tibor qaratadi va unga Cho Jung-bum rahbarlik qiladi.

Rahbarlik lavozimlariga tayinlashda savdo, xizmat ko‘rsatish va tadqiqot sohalarida isbotlangan tajribaga ega bo‘lgan har tomonlama iste’dodli shaxslarni tanlashga alohida e’tibor qaratiladi. Hozirda televizorlarning xorijiy savdosi va marketingi bo‘limini boshqarayotgan Jung Pil-won MEA mintaqasida vakil etib tayinlandi. Bu uning xorijda savdoni boshqarishdagi keng qamrovli tajribasi hamda Yaqin Sharq va Afrika bozorlarini chuqur tushunishining e’tirofi hisoblanadi. Bundan tashqari, Saudiya Arabistoni, Polsha va Malayziyadagi filiallarni boshqarib kelayotgan Kim Jung-ho, Kim Yoo-seon va Choi Jung-won biznesni rivojlantirishga qo‘shgan salmoqli hissasi e’tirof etilgan holda rahbarlik lavozimlariga ko‘tarildi.

Barcha tayinlovlar 1-dekabrdan, ko‘tarilishlar esa 1-yanvardan kuchga kiradi.

*LG tashkiliy tuzilmasida asosiy operatsion bo‘linmalar </em >“kompaniya” deb ataladi.